ٹبہ سلطانپور (سٹی رپورٹر): ایس ایچ او تھانہ ٹبہ سلطانپور اشرف ظہور دی قیادت وچ تھانہ ٹبہ سلطانپور دی پولیس ٹیم ہِک وݙی کاروائی کریندے ہوئیں ہِک اَنھّے قتل کوں ٹریس کر تے ݙو ملزماں، ہِک عورت تے اُوندے آشنا کوں گرفتار کر ڳھِدا۔
ناجائز تعلقات وچ رکاوٹ بݨݨ تے نوجوان کوں قتل کر ݙِتا ڳیا۔
(ش) ناں دی ہِک عورت دے اپݨے ہمسائے مشتاق نال تقریباً ݙو سالاں توں تعلقات ہن۔ انہاں ݙوہاں دے تعلقات وچ اُوندے شوہر عبدالمجید ہِک وݙی رکاوٹ ہا۔ ایہ ݙوہیں ملزمان، عورت تے اُوندے آشنا، شوہر کوں راستے توں ہٹاوݨ دا ہِک منصوبہ بݨایا۔ منصوبے دے مطابق عورت اپݨے شوہر کوں دکان توں سودا ݙیواوݨ بھیجیا تے اپݨے آشنا کوں ریکی ݙِتی۔ ملزم مشتاق رستے وچ ویندے ہوئیں عبدالمجید تے فائرنگ کر ݙِتی، جیں بعد وچ زخم برداشت نہ کر سکیا تے نشتر ہسپتال وچ فوت تھی ڳیا۔
پولیس سانڳے ایہ اَنھّا قتل ہِک چیلنج توں گھٹ نہ ہا جیں دا فوری طور تے مقدمہ درج کر تے ڈی ایس پی میلسی سعید احمد سیال دی نگرانی وچ ہِک خصوصی ٹیم بݨائی ڳئی۔ ایس ایچ او تھانہ ٹبہ سلطانپور اشرف ظہور تے اُونہاں دی ٹیم جدید ٹیکنالوجی، ہیومن انٹیلیجنس تے کال ریکارڈ دی مدد نال ملزماں کوں ٹریس کر تے گرفتار کر ڳھِدا جیں اپݨا جرم قبول کر ڳھِدا۔
0 تبصرے