حاجی پور -وزیر اعلیٰ پنجاب محترمہ مریم نواز شریف صاحبہ اور آئی جی پنجاب کی خصوصی ہدایات پر صوبے بھر میں جرائم کے خاتمے کے لیے کریک ڈاؤن جاری ہے۔ اسی سلسلے میں راجن پور پولیس تھانہ سٹی نے مؤثر حکمت عملی، ناکہ بندی اور سخت چیکنگ کے ذریعے ایک بڑی کامیابی حاصل کی۔
تفصیلات کے مطابق مقدمہ نمبر 922/23 جرم 392/411 ت پ میں مطلوب A کیٹیگری کے اشتہاری ملزم کو ایس ایچ او تھانہ سٹی راجن پور نے اپنی ٹیم کے ہمراہ کامیاب کارروائی کرتے ہوئے گرفتار کر لیا۔ ملزم کافی عرصے سے قانون نافذ کرنے والے اداروں کو مطلوب تھا اور اس کی گرفتاری پولیس کے لیے ایک اہم کامیابی سمجھی جا رہی ہے۔
پولیس حکام کے مطابق ملزم کو گرفتار کرنے کے بعد مزید قانونی کارروائی کا آغاز کر دیا گیا ہے۔ اس کارروائی سے علاقے میں جرائم کی روک تھام میں مدد ملے گی اور عوام میں تحفظ کا احساس مزید مضبوط ہوگا۔ پولیس کی کامیاب کارروائی پر شہریوں نے اطمینان کا اظہار کیا اور قانون نافذ کرنے والے اداروں کی کارکردگی کو سراہا۔
0 تبصرے