یوسی رکھ عظمت والا میں کپاس کی کاشت کے تحفظ اور گلابی سنڈی کے بروقت تدارک کے لیے حکومت پنجاب کی خصوصی مہم کے تحت ایک اہم آگاہی سیمینار کا انعقاد کیا گیا۔ یہ پروگرام محکمہ زراعت پنجاب، محکمہ پیسٹ وارننگ اور ٹارگٹ علی اکبر
گروپ کے اشتراک سے ملک مختیار نواز ڈینہ کے فارم پر منعقد کیا گیا۔
سیمینار سے ڈائریکٹر جنرل پیسٹ وارننگ اینڈ کوالٹی کنٹرول، ڈاکٹر عامر رسول، نے خطاب کیا جبکہ ڈائریکٹر پیسٹ وارننگ ڈیرہ غازی خان، خواجہ عبدالحییٰ عابد، اور دیگر زرعی افسران بھی موجود تھے۔ ماہرین نے کاشتکاروں کو گلابی سنڈی کے مؤثر تدارک، بروقت سپرے، اور جدید زرعی طریقہ کار کے بارے میں تفصیلی معلومات فراہم کیں۔
اس موقع پر ڈاکٹر عامر رسول نے یوسی رکھ عظمت والا میں کپاس کی کاشت کا باقاعدہ افتتاح بھی کیا۔ تقریب میں ڈپٹی ڈائریکٹر راجن پور، راحت حسین، اور اسسٹنٹ ڈائریکٹر پلانٹ پروٹیکشن جام پور، زبیر احمد عبدالشفیق جتوئی، صدر پیسٹی سائیڈ ایسوسی ایشن داجل، خواجہ معظم سراج، خواجہ آصف سراج، ملک امیر بخش ڈینہ، حامد خان جندانی، پیریں ڈتہ بلاچھانی، جام جمعہ خان تفکی، اور دیگر معزز کاشتکاروں کی بڑی تعداد شریک ہوئی۔
x
0 تبصرے