وہاڑی (عاصم اسلام سے) وزیر اعلیٰ پنجاب مریم نواز شریف کے وژن پر ماہ رمضان میں عوام کو مقررہ نرخوں پر فراہمی جاری ہے ڈپٹی کمشنر وہاڑی خالد جاوید گورائیہ کی قیادت میں ضلعی انتظامیہ وہاڑی سرگرم عمل ہے ڈپٹی کمشنر وہاڑی خالد جاوید گورائیہ کی زیر صدارت پرائس کنٹرول مجسٹریٹس کا اجلاس منعقد ہوا۔ اجلاس میں پرائس کنٹرول مجسٹریٹس کی کارکردگی کا جائزہ لیاگیا ڈپٹی کمشنر نے پرائس کنٹرول مجسٹریٹس کو مزید متحرک ہو کر کام کرنے کی ہدایت کی ڈپٹی کمشنر وہاڑی خالد جاوید گورائیہ نے کہا کہ حکومت پنجاب کی ہدایت پر عوام کو مقررہ نرخوں پر اشیاء خوردونوش کی فراہمی یقینی بنائی جارہی ہے گراں فروشوں کے خلاف بلاامتیاز کاروائیاں جاری ہیں پرائس کنٹرول مجسٹریٹس شہروں کے ساتھ ساتھ قصبوں میں بھی پرائس چیکنگ کریں پرائس لسٹ ہر صورت میں دکانوں پر نمایاں جگہ پر آویزاں ہونی چاہئیں۔ ڈپٹی کمشنر نے مزید کہا کہ ماہ رمضان میں 29ہزار761انسپکشنز کی گئیں 897 خلاف ورزیوں پر22لاکھ 94ہزار روپے جرمانہ عائد کئے 8دکانیں سیل، ایک مقدمہ کا اندراج اور 2گرفتاریاں بھی کی گئیں گراں فروش کسی رعایت کے مستحق نہیں ہیں۔ اس موقع پر ایڈیشنل ڈپٹی کمشنر ریونیو بابر سلیمان، ایڈیشنل ڈپٹی کمشنرجنرل غلام مرتضیٰ، اے سی وہاڑی انعم اکرم،ایس ڈی ای او پیرا وقاص انجم اور دیگر پرائس کنٹرول مجسٹریٹس موجود تھے
0 تبصرے